Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Nuwe skryfwerk | New writing > Poësie | Poetry > Afrikaans > Gepubliseerde digters

Ou man tussen die riete van agterdog


Melanie Grobler - 2011-02-24

Ou man tussen die riete van agterdog

Sit die groente-skrapertjie eenkant, trek my voorskoot uit –

die geskilde komkommers en appels lê op die kombuistafel

en die lig weifel tussen stoel en deur. ek karteer

die nuwe pad na die melkbos, skuins agter hom aan

deur die digte fluitjiesriet om drifsels van woorde te versamel


– net ’n rukkie langer dan sien jy lig kaats naas die rand van die water –


hy sing hoog, sing laag

sing soos een wat vriende tot afskeid roep

ou man as hy dun en regop tussen rugwerwels

van die middelwater sink, verder insink

die digter met die kus van oë waarop woorde dryf

sy merk die plek en die gety – ou man tussen die riete van agterdog.