Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Taal | Language > Nederlands | Dutch > Aanplakbord

City Books:  Grahamstad – Intieme portrette van ’n stad


2010-06-29

Hierdie Donderdag en Vrydag lees van die land se top skrywers hulle stories oor Grahamstad by die nasionale kunstefees. Dit vorm deel van ’n internasionale projek met die naam City Books. Die City Books stories is spesiaal geskryf vir die geleentheid, en vertel die verhaal van die skrywers se intieme verhouding met die stad. Die stories is in beide Engels en Afrikaans. Tussen die stories word verskeie een minuut films gewys wat tonele oor Grahamstad in die feestyd weerspieël.  Die films is gemaak deur student van Rhodes se department van  joernalistiek.

Na die vertoning sal die stories as audioboeke op deBuren se webwerf verskyn, wat enige iemand kan aflaai en op hulle rekenaars of iPods na kan luister. Die stories word ook vertaal in Nederlands, Frans en Spaans. In ’n soortgelyke projek laas jaar was daar meer as 9 000 kopies van die Suid-Afrikaanse stories van die webwerf afgelaai . Ander stede wat die City Books publikasies op die webwerf aanvul is Utrecht en Ostend en binnekort ook Bugarest, Tbilisi, Graz, Chartres en Potsdam.

Grahamstad mag dalk nie in alle oë ’n volwaardige stad wees nie omdat dit so klein is, maar dit voldoen wel aan die Middeleeuse definisie danksy die mini-katedraal  in die hoofstraat. Die stad vervul immers  ook ’n baie belangrike kulturele rol in die land danksy die fees.

Die Suid-Afrikaanse City Books-skrywers het hulle skryfstyl spesiaal aangepas vir hardop  lees. Ingrid Winterbach se storie “Oorblyfsels  handel oor haar besoeke aan haar dogter en bring stories van oeroue fossiele en oorskietkos  tesame. Toast Coetzer beleef ’n heel ander Grahamstad.  Ronelda Kamfer en Ingrid se dogter Brink Scholtz lees ook hulle stories.

City Books val onder die vaandel van die Vlaams –Nederlandse kultuurorganisasie deBuren  wat Vlaams is vir  ‘die bure’. Dorian van der Brempt van deBuren beskryf die projek as ’n intervensie in die modern kitskoskultuur, en ’n terugkeer na die intieme praktyk van luister en vertel.  Hulle speel met oud en nuut deur ou kultuurvorme met modern tegnologie weer lewe in te blaas.  deBuren het ’n spesiale belangstelling in Afrikaans, en dis juis hoekom baie van die stories ook in Afrikaans is.

Daar is twee City Books programme oor twee aande in Grahamstad met verskillende skrywers elke dag. Die program is gratis. Dit vind plaas in die Oatlands-skoolsaal net verby die verkeersirkel in African Straat om sesuur, Donderdag 1 Julie en Vrydag 2 Julie.

Program 1:
Donderdag 1 Julie
18h00 Opening deur Dorian van der Brempt
18h05 Storie deur Ronelda Kamfer
18h35 City One Minutes – films oor Grahamstad PM
18h50 Storie deur Ingrid Winterbach
19h10 Einde

Programme 2:
Friday July 2nd
18h00 Opening deur Dorian van der Brempt
18h05 Storie deur Brink Scholtz
18h35 City One Minutes – films oor Grahamstad AM
18h50 Storie deur Toast Coetzer
19h10 Einde

Lees hier meer oor City Books:
http://www.deburen.eu/en/city-books
Lees meer oor laasjaar se projek:
http://www.radiobooks.eu/zuidafrikaradioboeken.php?lang=EN
Luister na meer as ’n honderd stories in Vlaams en Nederlands hier:
http://www.radiobooks.eu
Meer oor deBuren:
http://www.deburen.eu/en/about-deburen