Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Opvoeding | Education > Slypskole | Workshops > Afrikaans > Poësie

SkryfNet XXIII: Donor (2)


Hendrik Botha - 2009-12-07

Die Sanlam/LitNet Aanlynskryfskool: SkryfNet XXIII - Poësie
Tweede weergawe van Hendrik Botha se gedig:

Donor

My hart op veertig by sy bruikbaarheid verby,
my niere uitgeloog op vyftig,
die lewer verskrompel deur oordaad
en die longe hygend, onherroeplik
verniel deur teer en nikotien

maar ek stuur vir jou my oë,
in lewe blou, om die korneas
oor te plant sodat jý met
ander oë na dieselfde son en
sterre as ek in verwondering kan kyk,

maar mag die laaste prentjie,
vandag onherroeplik in my netvlies ingebrand,

jou eerder maar gespaar bly.

 

<< Terug na SkryfNet XXIII <<