Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Leefstyl | Lifestyle > Gay > Poësie | Poetry

Vuurmaakhout


Corné van Wyk - 2007-07-03

jy – mooiste seisoen in my hart
bring nuwe hoop in my tyd van donker en swart
jou oë skenk geboorte aan ‘n ander ek
jou wese het my oor die dansvloer na jou aangetrek
jou bors my kopkussing teen verweer
jou lag die wondersalf teen ‘n bitter sweer
                                                                en houe wat verbete sou val

               my engel het die seisoen kom kantel
met vuur van seer uit ‘n ander se mantel
jou woorde soos swaarde wat my binnedring
ek ‘n gevangene in my emosie se eie kring
ek het ‘n branding na jou lyf se spontaneïteit
maar die lewe trek my dieper terug in verwyt
                                                                                 en ek kry koud ...

maar jy is die vuurmaakhout in my lang winter
al het ons seisoen in stukke versplinter
bly ek steeds vasklou aan die stukkies
                                                                van jou
                                                                         die stukkies van ek
                                                   en die stukkies van ons
            en verder hou ek net aan met brand