Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Nuwe skryfwerk | New writing > Poësie | Poetry > Afrikaans

cathexis


Jaco Barnard-Naudé - 2011-12-14

cathexis

ek het na ’n foto of twee gekyk
van my en jou glimlaggend gekiek,
’n gelukkiger tyd van moontlikheid

ek het vir jou ’n Facebook-friend request
gestuur, Lacan se vermaning gelees
"die boodskap keer omgekeerd terug
na die sender – die brief is ook ’n koevert"

ek het ook meer as een SMS gekomponeer
eindelose pogings om met jou te rekonsilieer

jou antwoord was ’n bygewerkte internetstilte

maar my melankolie kom deesdae tot rou
Oedipus steek sy oë uit vir oulaas
and is not online anymore