Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Menings | Opinion > Lyste | Lists

Andries Bezuidenhout oor David Kramer


Andries Bezuidenhout - 2011-11-23

Andries Bezuidenhout

My gunsteling van David is ... 

Dis regtig moeilik om slegs een gunsteling song of show of whatever van
David Kramer uit te lig. Daar is soveel – van die vroegste “Botteltjie blou”, “Dry wine” (wat eintlik vroeër geskryf is, maar later eers op ’n plaat beland het), tot by die meer onlangse “Oom Kallie”. Ek hou van die superrealistiese stories, beelde en situasies wat sy woorde oproep. Jy kan dit hoor en ruik en aan jou bas voel – baie soos met sy ouer broer se skilderye. Maar mens moet ook nie onderskat wat hy musikaal gedoen het nie. Daar is min mense wat ons eie roots in soveel landerye, plotte, droë rivierbeddings en tussen die kannas en krismisrose in tuinbeddings op voorstedelike sypaadjies gaan soek het. Ek is seker iemand het dit al gesê, maar as’t ware het David ons gewys waar Afrikaanse musiek se wortels gegrawe is.

My boodskap aan David is ...



My woorde oor David? Ek’s tjoepstil. Laat ek eerder van sy woorde aanhaal: “On the day that they jailed Mandela, I first heard John Lennon sing.” Of: “I’ve got a son, they call him Blondie, God made him differently. Married a lady there in Springbok, and he never comes to visit me.” Of: “You think you know what everything means, you’ve got the big mouths, you’ve got the degrees. But when the shit starts to fly then you run overseas. Then you’ll keep tjoepstil.”