Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Menings | Opinion > Lyste | Lists

Riana Wiechers oor David Kramer


Riana Wiechers - 2011-11-23

Riana Wiechers

My gunsteling van David is ... 

Dis baie moeilik om te kies. “Botteltjie Blou” het elke keer wat ek dit hoor, ’n geweldige uitwerking op my. Ek is ook mal oor “Matchbox Full of Diamonds” – en elke liewe liedjie op die Karoo Kitaar Blues-album. As ek net een David Kramer-gunsteling moet kies, sal dit “Prisoners of War” wees – hoe oorlog oor die eeue en generasies van ons almal gevangenes maak op ’n manier.

My boodskap aan David is ...



David is vir my een van daardie uitsonderlike kunstenaars wat, soos hy die stories met sy liedjies vertel, ook die karakters wórd oor wie hy sing. Ek kan nie aan nog ’n kunstenaar, plaaslik of internasionaal, dink wat dit kan doen soos David nie. Sy deernis vir die mense oor wie hy sing is tasbaar, en hy doen dit met net die regte mengsel van humor en waardering. Hy lyk ook na ’n vreeslike aangename mens, so half egoloos. Hy straal daardie egtheid uit van ’n kunstenaar wat skep om geen ander rede as dat hy móét nie.