Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Nuwe skryfwerk | New writing > Poësie | Poetry > Afrikaans > Ongepubliseerde digters

Resepmatige stappe tot geluk


Wessel Stoltz - 2011-08-16


Resepmatige stappe tot geluk:


Untitled Document

  1. Hartchirurgie

    Druk lank en hard
    genoeg op die bors;
    totdat die hand deur
    die ribbes glip
    en die vingers die
    polsing sekuur
    omsluit. Verwyder
    met ’n plukaksie.

    ’n Mens kan
    leef sonder ’n hart


  2. Stikwerk
    Vul die hartholte
    sorgvuldig met
    lug
    om cicatrix manet,
    a consciousness of
    lost limbs (of ‘n soortgelyke toestand)
    te voorkom.
    Stik netjies toe.

    ’n Mens kan
    leef sonder ’n hart


  3. Fopdos 

    Pluk aan die senudrade
    om die mondhoeke
    effe te lig,
    spuit oogdruppels teen die
    helder illusie
    van verliefdheid en
    blos die wange om
    doodsheid te verbloem.

    ’n Mens kan
    leef sonder ’n hart.