Hierdie is die LitNet-argief (2006–2012)
Besoek die aktiewe LitNet-platform by www.litnet.co.za

This is the LitNet archive (2006–2012)
Visit the active LitNet platform at www.litnet.co.za


 
Boeke | Books > Kennisgewings | Notices > Afrikaans

Tom Lanoye se Sprakeloos wen nóg ’n enorme prys


2011-03-10

Untitled Document

Tom Lanoye

 

Tom Lanoye is pas nog ’n keer vereer vir Sprakeloos, die uitsonderlike roman waarvan die Afrikaanse vertaling pas by Protea Boekhuis verskyn het.

De Maatschappij der Nederlandse Letterkunde het gister bekendgemaak dat hulle die gesogte Henriette Roland Holst-prijs aan Lanoye se Sprakeloos toeken.

Die prysgeld beloop Euro 2 500 en daar is ook ’n oorkonde aan verbonde.

Hierdie prys word al om die drie jaar aan ’n prosawerk toegeken. Poësie en Drama kom gedurende die ander jare aan die beurt.

Dit is nie die eerste groot lof wat Sprakeloos wen nie. De Koninklijke Academie voor Nederlandse Taal- en Letterkunde nomineer slegs al om die vyf jaar ’n prosawerk, en Sprakeloos het hierdie eer te beurt geval in 2010.

Lanoye het ook al te vore nomisasies gewen vir ’n Gouden Uil en die Libris Literartuurprijs. In in 2007 is sy hele oeuvre vereer met ’n Gouden Ganzenveer.



Iets meer oor Henriette Roland Holst


Henriette Roland Holst (1869 – 1952), bekend as Jet, was een van Nederland se voorste digters en literatuurkritici. Haar nooiensvan was Van der Schalk. Sy was ook ’n aktiewe sosialis wat aan haar die bynaam “Rode Jet” verskaf het. In hierdie rol het sy haar lewe lank vir werkers en jonger vroue in die bresse getree. Dit was klaarblyklik Herman Gorter wat haar aan die werk van Karl Marx bekendgestel het. Sy was getroud met die beeldhouer Richard Roland Holst en was ’n familielid van die ewe bekende digter Adriaan Roland Holst.

 

Sprakeloos (Afrikaanse vertaling)
Tom Lanoye
Vertaler: Daniel Hugo

Uitgewer: Protea Boekehuis
ISBN: 9781869194024
Prys: R160
Sagteband, 308 bladsye

 

Klik hier en koop Sprakeloos nou van Kalahari.net!